Պապ Ֆրանցիսկոսի 12-ամյա իշխանությունն էապես փոխեց Կաթոլիկ եկեղեցու դեմքը։ Նա կողմնակից էր «աղքատների եկեղեցու» գաղափարին, ընդունեց ԼԳԲՏՔ համայնքի ներկայացուցիչներին որպես «Աստծո զավակներ» և թույլ տվեց վերամուսնացած ամուսնալուծվածներին հաղորդություն ստանալ։ Նա հաճախ քննադատում էր տնտեսական անարդարությունը և պաշտպանում բնապահպանական խնդիրները։
Սակայն Ֆրանցիսկոսի ռեֆորմները դիմակայեցին պահպանողական կաթոլիկ խմբերի կոշտ դիմադրությանը։ Այժմ, երբ Կարդինալների քոլեջի 133 անդամները պատրաստվում են նոր պապի ընտրության փակ գործընթացին՝ կոնկլավին, հարցը մեկն է՝ շարունակե՞լ Ֆրանցիսկոսի ուղին, թե՞ փոխել ուղղությունը։
Ֆրանցիսկոսի մահից հետո աշխարհի տարբեր կետերում տեղի ունեցած զանգվածային հարգանքի տուրքերը, այդ թվում՝ 300,000 մարդ մասնակցությամբ պատարագը Տիմորում, հստակ մեսիջ էին՝ հավատացյալները պահանջում են շարունակականություն։ Կարդինալ Վալտեր Կասպերը նշել է․ «Աստծո ժողովուրդը արդեն քվեարկել է՝ շարունակել Ֆրանցիսկոսի ուղին»։
Չնայած եկեղեցու ղեկավարության ներսում եղած պառակտումներին՝ Ֆրանցիսկոսի կողմնակիցները կարծում են, որ միայն մի նոր պապ, որը կընդունի նրա բարեփոխումները, կկարողանա առաջնորդել եկեղեցին ժամանակակից մարտահրավերների պայմաններում։
Պապի ընտրությունը քաղաքական գործընթաց չէ, սակայն այն զերծ չէ դիվանագիտական քայլերից։ Կարդինալները քննարկումներն իրականացնում են թե՛ համաժողովների ժամանակ, թե՛ անգամ Վատիկանի մոտակա ռեստորաններում՝ քննարկելով եկեղեցու ապագան մի բաժակ գինու շուրջ։