Շատերը մթերքը պահում են առանց ուշադրություն դարձնելու դրանց հարևանությանը, սակայն որոշ մրգեր և բանջարեղեններ կարող են արագ փչանալ սխալ պահման հետևանքով։
Պատճառը էթիլեն գազն է, որը բնական կերպով արտադրվում է որոշ մրգերի և բանջարեղենի կողմից։ Այս գազը նպաստում է մթերքի հասունացմանն ու ծերացմանը՝ ազդելով նաև մերձակա մթերքների վրա։
Խնձորները, բանանները, ավոկադոն, տանձերը, դեղձերը, սալորներն ու լոլիկները ակտիվ էթիլեն են արտադրում և խորհուրդ է տրվում դրանք պահել առանձին։
Մյուս կողմից, կան մթերքներ, որոնք շատ զգայուն են էթիլենի նկատմամբ։ Օրինակ՝ բրոկոլին, ծաղկակաղամբը, գազարը, վարունգը, տերևավոր կանաչեղենը և կարտոֆիլը՝ էթիլենի ազդեցության տակ արագ փչանում են։
Ճիշտ պահման կանոնների անտեսումը կարող է հանգեցնել մթերքների վաղաժամ փչացման, համի և արտաքին տեսքի կորուստի։ Բացի այդ, սոխն ու սխտորը պետք է պահել առանձին, քանի որ դրանց հոտը կարող է փոխանցվել մյուս մթերքներին։
Ուստի, որպեսզի երկար պահպանվի մթերքի թարմությունը, կարևոր է իմանալ՝ որոնք են էթիլեն արտադրողներն ու որոնք՝ դրա նկատմամբ զգայունները։