Իլոն Մասկը, ով այժմ գործում է որպես Դոնալդ Թրամփի վարչակազմի ազդեցիկ խորհրդական և DOGE ծրագրի ղեկավար, հանդիպել է մեծամասնաբար քննադատական մամուլի ներկայացուցիչների հետ՝ բացահայտ անդրադառնալով իր գործելաոճին, թերացումներին և ապագա պլաններին։ Սա տեղի է ունեցել այն բանից հետո, երբ Wall Street Journal-ը պատրաստվում էր հրապարակել նյութ Tesla-ի վարչության՝ Մասկին որպես գործադիր տնօրեն փոխարինելու ծրագրի մասին, որը Մասկն ու Tesla-ն հերքեցին։
Մասկը հանդիպմանը հանդես է եկել նույնիսկ ինքնաքննադատական տոնով՝ իր գործունեությունը համեմատելով Բուդդայի հետ՝ հարցնելով. «Բուդդան անհրաժե՞շտ էր բուդդիզմի համար։ Չէ՞ որ այն դարձավ ավելի հզոր՝ նրա մահից հետո»։
Չնայած իր ավանդական խուսափողականությանը հիմնական լրատվամիջոցներից, Մասկը՝ The New York Times-ի, Washington Post-ի, Bloomberg-ի և այլոց ներկայացուցիչների հետ ունեցած հանդիպմանը, դրսևորել է համբերատար և հանգիստ վարքագիծ։
Մասկը խոստովանել է, որ DOGE-ի նպատակադրված $1 տրիլիոն կրճատումների փոխարեն այս պահին հասել են մոտ $160 միլիարդի։ Նա նաև ընդունել է, որ կրճատումների արդյունքում կառավարության որոշ կարևոր աշխատակիցներ «պատահաբար ազատվել են»։
Հանդիպման ընթացքում Մասկը նաև բացահայտել է, որ մի քանի անգամ գիշերել է Սպիտակ տան Լինքոլնի ննջասենյակում, իսկ Թրամփը երբեմն կեսգիշերին զանգել է՝ նրան խնդրելով չհեռանալ վարչակազմից։