Ֆրանսիայի Արտաքին գործերի նախարար Ժան-Նուել Բառոն Եվրամիությանը կոչ է արել կիրառել ամենածանր պատժամիջոցները Ռուսաստանի նկատմամբ՝ նպատակ ունենալով խեղդել նրա տնտեսությունը և խոչընդոտել ռազմական ջանքերին։
Բառոն նաև մեղադրել է Մոսկվային Ուկրաինայի հակամարտության կարգավորման ցանկության բացակայության մեջ՝ նշելով, որ անհրաժեշտության դեպքում կարող են կիրառվել նաև ԱՄՆ-ի «պատրաստի» պատժամիջոցները՝ Ռուսաստանին բանակցությունների սեղան վերադարձնելու համար։
Նախարարի ելույթը կայացել է Լյուքսեմբուրգում Եվրամիության խորհրդի նիստի ժամանակ, որտեղ քննարկվել են Ուկրաինայի անվտանգության երաշխիքները, խաղաղապահների ուղարկման հնարավորությունը և Ռուսաստանի դեմ 17-րդ պատժամիջոցային փաթեթի պատրաստումը։