20-ամյա Իբրահիմ Իբրահիմովը շարունակում է իր անպարտ շղթան պրոֆեսիոնալ MMA-ում՝ վերջին հաղթանակը տոնելով Քենի Մոխոնոանայի նկատմամբ։ Հաղթանակից հետո նա հրապարակել է Դուբայում իր մարզչական թիմի լուսանկարը՝ ներառյալ MMA-ի լեգենդներ Խաբիբ Նուրմագոմեդովն ու Իսլամ Մախաչևը։
Դաղստանից սերող Իբրահիմովը նոր սերնդի այն մարզիկներից է, ովքեր փոխում են մարտական սպորտի լանդշաֆտը։ Դաղստանը՝ ընդամենը 3 միլիոն բնակչությամբ շրջան, հայտնի է իր բարձրակարգ մարտիկներով, ովքեր աչքի են ընկնում ըմբշամարտի վարպետությամբ և անկոտրում ոգով։
Իբրահիմովը, ով հանդես է գալիս PFL կազմակերպությունում, CNN-ին տված հարցազրույցում ընդգծել է, որ Դաղստանում մարտարվեստը պարզապես մասնագիտություն չէ, այլ ապրելակերպ։ Նա նշել է, որ Եվրոպայում շատերը պարզապես ձևացնում են, թե մարտիկ են, մինչդեռ Դաղստանում բոլորը իրականում պայքարել են այս ուղու համար։
Հայտնի մարզիչ Միխայիլ Լյուբիմովը, ով աշխատել է բազմաթիվ դաղստանցի մարզիկների հետ, պատմում է, որ այդ մարզիկները հաճախ սկսել են մարզվել 6 տարեկանից։ Նրա խոսքով՝ նրանք գալիս են հուսահատությունից, որտեղ այլ տարբերակ պարզապես չկա։
«Դաղստանում խոշոր ականջները (cauliflower ears) արդեն մշակույթի մաս են․ դա նրանք են, դա իրենց ԴՆԹ-ն է», — ասում է Լյուբիմովը։