Չինաստանի առևտրի նախարարության ներկայացուցիչը հայտարարել է, որ Պեկինը դիտարկում է ԱՄՆ-ի հետ մաքսատուրքերի շուրջ բանակցությունների հնարավորությունը։ Այս հայտարարությունը հնչել է այն բանից հետո, երբ ԱՄՆ-ն մինչեւ 245% մաքսատուրք է սահմանել որոշ չինական ապրանքների վրա՝ խաթարելով երկու խոշորագույն տնտեսությունների միջեւ առևտուրը։
Չինական կողմը նշել է, որ եթե պետք է կռվել՝ կռվելու են մինչև վերջ, սակայն բանակցությունների դռները բաց են, եթե ԱՄՆ-ն ցուցաբերի անկեղծություն և չեղարկի միակողմանի մաքսատուրքերը։
Չնայած որոշ հաղորդագրություններին, թե կողմերը արդեն սկսել են բանակցությունները, Պեկինը հերքել է այդ պնդումները՝ հավելելով, որ այժմ հենց ԱՄՆ-ն է «ավելի անհանգիստ»։
Քաղաքագետները սա նկարագրում են որպես «ճանապարհային պայքար»՝ որտեղ Թրամփը և Սի Ցզինպինը փորձում են պահել հեղինակությունը՝ միաժամանակ ստվերում ձգտելով փոխադարձ համաձայնության։ Երկու կողմն էլ շահագրգռված են մաքսային պատերազմի թուլացման հարցում, սակայն ոչ ոք չի ցանկանում առաջինը հանդես գալ նախաձեռնությամբ՝ չթուլացնելու բանակցային դիրքերը։
Արդյունքում ստեղծվել է «կառուցողական անորոշության» իրավիճակ, երբ կողմերը կանխամտածված օգտագործում են մշուշոտ ձևակերպումներ՝ պահելու իրենց դիրքը և մեղադրելու մյուս կողմին որպես առավել անհամբեր։