ԱՄՆ Հանրապետական օրենսդիրները պատրաստվում են ներկայացնել «App Store Accountability Act» անունով նոր օրինագիծ, որը կպարտադրի հավելվածների խանութներին՝ ինչպես Apple-ը, այնպես էլ Google-ը, հաստատել բոլոր օգտատերերի տարիքը և այդ տվյալները տրամադրել հավելվածների մշակողներին։
Եթե ընդունվի, սա կլինի վերջին տարիների առաջին խոշոր ֆեդերալ օրենսդրական քայլը առցանց անվտանգության ոլորտում։ Օրինագիծը կմտնի ուժի մեկ տարի անց՝ բարդացնելով օգտատերերի և հավելվածների խանութների փոխազդեցությունը։
Օրենքով նախատեսվում է օգտատերերին դասակարգել ըստ տարիքային խմբերի՝ «փոքր երեխա» (մինչև 13), «երեխա» (13-15), «պատանի» (16-17), «մեծահասակ» (18+)։ Ծնողական համաձայնությունը պարտադիր կլինի մինչև չափահաս դառնալը հավելվածներ ներբեռնելու կամ գնումներ կատարելու համար։
Օրինագծի նպատակն է կանխել երեխաների մուտքը վնասակար բովանդակություն պարունակող հավելվածներ և կասեցնել օնլայն գիշատիչների հետ հնարավոր շփումները։ Սակայն մասնագետները զգուշացնում են՝ առանց պետական փաստաթղթերի տարիքի վավերացումը կարող է առաջացնել գաղտնիության խախտման և տեխնիկական բարդությունների հարցեր։
Meta-ն, Snap-ը և X-ը աջակցել են նախաձեռնությանը՝ այն անվանելով հնարավորություն՝ կենտրոնացված ձևով հաստատելու տարիքը։ Բայց Apple-ը և Google-ը դեմ են նման կենտրոնացմանը՝ նշելով, որ պատասխանատվությունը պետք է կիսեն նաև հավելվածների մշակողները։