Ռուս զբոսաշրջիկներին վտարել են ԱՄԷ-ի լողափերից բաց լողազգեստների պատճառով

ԱՄԷ-ի Կալբա հանգստյան գոտում ռուս զբոսաշրջիկներին վտարել են լողափից՝ բաց լողազգեստ կրելու համար։ Այս մասին տեղեկացրել է ռուս զբոսաշրջուհին TourDom.ru-ին։

Զբոսաշրջիկները բնակվում էին Էլ-Ֆուջայրայի Al Bahar Hotel & Resort հյուրանոցում, սակայն տեղական լողափի նավթով աղտոտման պատճառով տեղափոխվել են այլ վայր։ Մեկ այլ լողափում ոստիկանությունը նրանց դուրս է հանել՝ բաց լողազգեստ կրելու հիմքով։

Բացի այդ, ինչպես հայտնել է զբոսաշրջուհին, որոշ զբոսաշրջիկների տուգանել են։ Տեղական լողափում հանգստանալ հնարավոր չէ՝ նավթի հոտի պատճառով։

Մինչ այդ՝ ապրիլի 15-ին, Ռուսաստանի գլխավոր դատախազ Իգոր Կրասնովը նշել էր, որ Ռուսաստանի և ԱՄԷ-ի միջև անհրաժեշտ են իրավական խորհրդատվություններ՝ տարբեր իրավաբանական համաձայնագրերի անհամապատասխանությունները լուծելու համար։ Նա նաև հույս էր հայտնել, որ դատախազական համակարգերը կշարունակեն համագործակցությունը միջազգային կազմակերպությունների շրջանակում։