Իռլանդիայում երկու բժշկության ուսանողներ ուսումնասիրել են ավելի քան 160 հազար հիվանդի տվյալներ և բացահայտել, որ շաքարախտի դեմ օգտագործվող դեղերը կարող են նվազեցնել դեմենցիայի վտանգը մինչև 45%։
Խոսքը ԳՊՊ-1 ռեցեպտորների ագոնիստների մասին է, ինչպիսիք են սեմագլուտիդը (Ozempic, Wegovy), լիրագլուտիդը (Victoza, Saxenda) և դուլագլուտիդը (Trulicity), որոնք ոչ միայն կարգավորում են շաքարի մակարդակը, այլև ունեն նեյրոպաշտպանիչ ազդեցություն։
Հետազոտությունը, որը նախաձեռնել են Գալուեյի համալսարանի ուսանողները, կարող է հիմք հանդիսանալ նոր մեթոդաբանության համար՝ դեմենցիայի կանխարգելման ոլորտում։ Գիտնականները շարունակելու են ուսումնասիրությունները՝ պարզելու դեղերի մեխանիզմներն ու արդյունավետությունն ուղեղի առողջության վրա։